Umukinnyi w’ikipe iterwa inkunga n’Umujyi wa Kigali, AS Kigali, Nyarugabo Moise yapfushije papa we umubyara.
Iyi nkuru y’incamugongo, yamenyekanye kuri uyu mugoroba wo kuri uyu wa Kane.
Bubicishije ku mbuga nkoranyambaga z’iyi kipe, ubuyobozi bwa AS Kigali bwihanganishije uyu mukinnyi wabuze umubyeyi we.
Bati “Umuryango mugari wa AS Kigali, wihanganishije umukinnyi wa yo, Nyarugabo Moise wapfushije papa we umubyara.”
Nta bwo haramenyekana impamvu y’urupfu rw’uyu mubyeyi, ariko abari hafi ya Nyarugabo bavuga ko umubyeyi we yazize uburwayi.
Nyarugabo akina mu gice cy’ubusatirizi muri iyi kipe iterwa inkunga n’Umujyi wa Kigali. Yayijemo mu 2022 avuye muri Mukura VS. Bisobanuye ko ari umwaka we wa Kabiri ayirimo.
HABIMANA SADI/UMUSEKE.RW
