Ubuyobozi bw’ikipe ya Espoir FC ikina mu Cyiciro cya Kabiri, bwerekanye abakinnyi 18 izifashisha biganjemo abakinaga mu Cyiciro cya Mbere.
Shampiyona y’Icyiciro cya Kabiri y’u mwaka, izatangira mu ntangiriro z’Ugushyingo.
Ikipe iterwa inkunga n’Akarere ka Rusizi, Espoir FC, yamaze gutangaza abakinnyi 18 iyi kipe izatangirana shampiyona.
Muri aba bakinnyi, harimo Niyonshuti Gad, Munyeshyaka Gilbert, Murengezi Rodrique, Mashingilwa Kibengo Jimmy, Eric Kanza Angwa, Dusenge Bertin, Lomami Frank n’abandi.
Umutoza mukuru w’iyi kipe, Lomami Marcel, aherutse kuvuga ko intego yajyanye muri iyi kipe ari ukuyigarura mu Cyiciro cya Mbere yahozemo.
HABIMANA SADI/UMUSEKE.RW
