Mozambique: Perezida wa Mozambique, Filipe Nyusi kuwa 9 Ukwakira 2023, yasuye Umujyi wa Mocimboa da Praia mu Ntara ya Cabo Delgado, afungura ku mugaragaro icyambu kiri ku Nyanja ndetse n’ikibuga cy’Indege.
Aka gace kabohowe n’inzego z’umutekano z’u Rwanda ku bufatanye n’iza Mozambique mu 2022, nyuma yo kumara imyaka itanu mu maboko y’abakora ibikorwa by’iterabwoba.
Muri aka gace yakiriwe n’abayobozi batandukanye barimo uhagarariye inteko Ishingamategeko,Esperanca Bias, Minisitiri ushinzwe itumanaho n’ubwikorezi,Matus Magala,Guverineri w’Intara ya Cabo Delgado n’abahagarariye akarere ndetse n’uhagarariye ingabo z’uRwanda ,Maj Gen Alexis Kagame.
Perezida Nyusi yongeye gusaba abaturage bavuye mu byabo kubigarukamo, ashimira akazi kakozwe n’ingabo z’uRwanda mu kurwanya iterabwoba ndetse no kugarura amahoro muri iki gihugu.
Perezida Nyusi kandi yaboneyeho gutanga imashini ebyiri zifashishwa mu mishanga y’ubuhinzi.
Yasoje uruzinduka asaba abakiri mu bikorwa by’iterabwoba kubireka ahubwo bagafatanya n’abaturage kubaka igihugu cyabo.
TUYISHIMIRE RAYMOND/UMUSEKE.RW