Umukinnyi w’ikipe y’Igihugu ya Sénégal na Al Nassr yo muri Arabie Saoudité, Sadio Mané, yamaze kugura ikipe mu Bufaransa.
Uyu Munya-Sénégal w’imyaka 31 y’amavuko, yaguze ikipe yitwa Bourges Foot 18 isanzwe ikina muri shampiyona y’icyiciro cya Kane mu Bufaransa nyuma y’ibiganiro byari bimaze igihe bihuza uyu mukinnyi na Cheikh Sylla usanzwe uyobora iyi kipe.
Amakuru dukesha ikinyamakuru L’Équipe, aravuga ko Sadio Mané yaguze imigabane myinshi muri iyi kipe nyuma y’uko mu mpeshyi yari yarayifashije kugura abakinnyi ariko hakaba hari hategerejwe ko umuyobozi w’Umujyi abyemeza.
Ikipe ya Bourges Foot 18 iherereye mu bilometero 250 uvuye mu murwa mukuru, Paris. Icyiciro cyiza iheruka gukinamo, ni ubwo yakinaga mu cya Kabiri [Ligue 2].
MUGIRANEZA THIERRY/UMUSEKE.RW
