Ku cyumweru tariki ya 24 Ukuboza, Komisiyo yigenga y’amatora muri RD Congo, (CENI) yatangiye gutangaza ibyavuye mu matora y’umukuru w’igihugu ya 2023
Mu turere 22 twabereyemo amatora, ibyavuye mu matora byatangajwe ku cyumweru, harimo n’ibyo abanye-Congo baba mu mahanga (diaspora) bo mu bihugu by’Uburayi, aho bose abatoye ari 1.029,616.
Mu majwi y’agateganyo, Félix Tshisekedi ari imbere hamwe n’amajwi angana 82, 60% akurikiwe na Moïse Katumbi ufite 14, 30%.
Radjabo Tebabho Sorobabho ari ku mwanya wa gatatu na 0,90%, Martin Fayulu ni uwa kane na 0.80% naho Constant Mutamba ari ku mwanya wa gatanu na 0.10%
Moïse Katumbi uri mu bakandida biyamamarije kuyobora Repubulika Iharanira Demokarasi ya Congo, yanze kurya indimi avuga ko amatora yaranzwe n’uburiganya bw’amajwi ndetse asaba ko ibyayavuyemo byateshwa agaciro akongera gusubirwamo.
Katumbi yiyongereye kuri Martin Fayulu, Denis Mukwege, Théodore Ngoyi, Nkema Lilo na Floribert Anzuluni, bagaragaje ko uburyo Komisiyo yigenga ishinzwe amatora, CENI yateguyemo amatora bihabanye n’Itegeko Nshinga.
Katumbi wahoze ayobora Intara ya Katanga yavuze ko ibyavuye mu matora bitagomba gushingirwaho kuko “yaranzwe n’ubujura bw’amajwi ku rwego rwo hejuru.”
Komisiyo yigenga y’amatora CENI yerekanye ko Tashisekedi yatowe ku bwinshi aho mu Bufaransa Tshisekedi yagize amajwi 85,58%, muri Leta Zunze Ubumwe za Amerika agira 78,88%, muri Canada abona amajwi 72,33% mu Bubiligi abona 75,94% naho muri Afurika y’Epfo 81,27%.
DORE UKO ABAKANDIDA BAKURIKIRANA
- Advertisement -
TUYISHIMIRE RAYMOND/UMUSEKE.RW