Real Madrid yegukanye igikombe kiruta ibindi muri Espagne cyakinirwaga muri Arabie Saoudite, nyuma yo gutsinda FC Barcelone ibitego 4-1.
Wari umukino woroheye cyane ikipe ya Real Madrid, wabaye ku mu ijoro rya tariki 14 Mutarama 2024.
Real Madrid yatangiye umukino isatira cyane izamu rya FC Barcelona ibona uburyo bwo gutsinda igitego.
Ku munota 7′ Real Madrid yafunguye izamu ku igitego cyatsizwe na Vinicius Junior ku mupira mwiza yacomekewe na Jude Bellingham.
Ku munota wa 10′ Vinicius Junior yatsinze igitego cya kabiri ku mupira yahawe na Rodrygo.
Ku munota wa 33′ FC Barcelona yabonye igitego cyatsizwe na rutahizamu Robert Lewandowski.
Ku munota wa 39 ‘Real Madrid yabonye igitego cya gatatu kuri Penaliti yatsinzwe na Vinicius Junior watsindaga igitego cya gatatu cye mu mukino.
Igice cya mbere cyarangiye Real Madrid itsinze FC Barcelona ibitego 3-1 byose bitsinzwe na Vinicius Junior.
Rodrygo yatsindiye Real Madrid igitego cya 4 cyinjiye ku munota wa 64′ w’umukino.
- Advertisement -
Umukino warangiye Real Madrid yandagaje FC Barcelona iyitsinze ibitego 4-1 yegukana igikombe kiruta ibindi muri Espagne.
Mu nshuro zose iki gikombe cyakinwe kuva mu 1982, FC Barcelona yagitwaye inshuro 14 naho Real igitwara inshuro 12.
Aya makipe yombi azongera guhura tariki 21 Mata 2024, bakina umukino wa Shampiyona ya Espagne.
NDEKEZI JOHNSON / UMUSEKE.RW