Umunya-Sudan, Eid Mugadam Abakar wakiniraga ikipe ya Rayon Sports, yerekanywe nk’umukinnyi mushya wa Al Ahli SC Tripoli yo muri Libya.
Ku wa Gatandatu tariki ya 10 Gashyantare 2024, ni bwo ikipe ya Al Ahli Tripoli SC yo mu cyiciro cya Mbere mu gihugu cya Libya, yatangaje abakinnyi bashya barimo Eid Mugadam Abakar ukomoka muri Sudan.
Uyu mukinnyi ukina mu gice cy’ubusatirizi, nta bwo yahiriwe mu kipe ya Rayon Sports kuko ntiyegeze abona umwanya uhagije wo gukina.
Mugadam kandi, azakina nk’umwenegihugu kubera ibibazo by’intambara muri Sudan na Pelestine, iki gihugu cyiyemeje kubafasha.
Asanzeyo Umunyarwanda, Manzi Thierry wayigiyemo umwaka ushize.
HABIMANA SADI/UMUSEKE.RW
