Academy ya Bayern München igiye kubona umuyobozi mushya

Ishuri ry’umupira w’Amaguru rya Bayern München mu Rwanda, rigiye kubona Umuyobozi Ushinzwe Iterambere muri iri shuri.

Irerero rya Bayern München mu Rwanda, ryatangiye muri Nzeri 2023 ubwo hatoranywaga abana 43 bazaryigamo.

Iyi Academy igiye kubona Umuyobozi uzaba Ashinzwe Iterambere rya yo (Grassroots Development). Mike Hilbig ni we wahawe izi nshingano.

Byitezwe ko Mike azakorana na Bernhard Hirmer usanzwe ari Umuyobozi w’iri shuri ndetse n’Ishyirahamwe ry’Umupira w’Amaguru mu Rwanda, Ferwafa.

Mike Hilbig ategerejwe i Kigali ku wa Gatanu tariki ya 15 Werurwe 2024.

Iri shuri rifite abatoza b’Abanyarwanda barimo Hitimana Thierry, Kanamugire Aloys, Iragena Oscalie, Rafiki na Mugenzi Dieudonné.

Academy ya Bayern München mu Rwanda, ikomeje gufasha abana b’Abanyarwanda

Bernhard Hirmer ni we Muyobozi wa Academy ya Bayern München mu Rwanda

Mike ategerejwe i Kigali mu mpera z’iki Cyumweru

HABIMANA SADI/UMUSEKE.RW