Mu mpera z’icyumweru gishize, ni bwo hasojwe irushanwa Ngarukamwaka rizwi nka “Amashuri Kagame Cup” rihuza ibigo by’amashuri yose mu Gihugu mu mikino itandukanye.
Imikino isoza umwaka w’imikino 2023/2024, yabaye guhera ku wa Kane tariki ya 6 igeza ku wa Gatandatu yari ya 8 Kamena, ibera mu Karere ka Muhanga kuri Stade ya Muhanga.
Imikino ya nyuma, yitabiriwe n’abatoza batandukanye ndetse n’abandi bafite aho bahuriye n’imikino mu mashuri.
Mu mupira w’Amaguru w’abahungu, Ikigo cya APE Rugunga (Nyarugenge) cyegukanye igikombe gitsinze Gasiza y’i Rulindo igitego 1-0.
Mu mupira w’Amaguru mu Cyiciro cy’Abakobwa, GS Remera Rukoma yo mu Karere ka Kamonyi, yegukanye igikombe itsinze CFC Rwamagana ibitego 4-0.
Muri Handball mu bakobwa, Kiziguro SS y’i Gatsibo yatsinze ES Nyagisenyi y’i Nyamagabe ibitego 40-29, ihita yegukana igikombe mu gihe mu bahungu, ADEGI y’i Gatsibo yacyegukanye itsinze ESSEKI yo mu Ruhango.
Mu mukino wa Rugby, Gutisi TSS yo mu Ruhango yegukanye igikombe nyuma yo gutsinda Kayenzi TSS yo muri Kamonyi, ibitego 28-7.
Mu mukino wa Netball, GS Gahini y’i Kayonza, yegukanye igikombe itsinze E SC Musanze y’i Musanze ibitego 32-18.
Irushanwa “Amashuri Kagame Cup”, ni irushanwa risanzwe ari Ngarukamwaka rigamije kuzamura impano mu mikino itandukanye mu mashuri.
- Advertisement -
UMUSEKE.RW
