Ubuyobozi bwa Musanze FC iterwa inkunga n’Akarere ka Musanze, bwatangaje ko bwahaye akazi Tuyishimire Jean Paul usanzwe uzwi mu gushakira akazi abakinnyi ndetse n’abatoza.
Iyi kipe yabitangaje ibinyujije ku mbuga nkoranyambaga za yo zirimo X yahoze yitwa Twitter.
Tuyishimire Jean Paul yahawe akazi nk’Umukozi ushinzwe Ubucuruzi n’amasoko muri iyi kipe yo mu Majyaruguru nk’uko byatangajwe.
Bati “Twishimiye kubatangariza “Tuyishimire Jean Paul” nk’umukozi wacu mushya, ushinzwe ubucuruzi n’amasoko.”
Ikipe ya Musanze FC iri mu zatangiye imyitozo itegura itegura umwaka w’imikino 2024-2025. Umwaka ushize w’imikino 2023-2024, iyi kipe yabaye iya Gatatu nyuma ya APR FC na Rayon Sports.
UMUSEKE.RW
