Umugabo usanzwe utanga serivisi z’itumanaho ‘Agent’ wo mu Murenge wa Mukarange mu karere ka Kayonza, wagaragaye ku mbuga nkoranyambaga akubita umugore w’imyaka 48, yatawe muri yombi.
Amakuru avuga ko byabaye kuwa 20 Ugushyingo,bibera ku isoko ryo mu Murenge wa Mukarange mu Karere ka Kayonza.
Uyu mugabo witwa Tumusifu John, ku rubuga rwa X,mu mashusho agaragara akubita umubyeyi ugaragara ko akuze, usanzwe ucuruza imbuto, ibintu byarakaje abatari bacye , batabariza Urwego rwa Polisi n’Ubugenzacyaha ngo bumute muri yombi.
Akarere ka Kayonza kavuze ko kakimenya iki kibazo kitabaje Polisi , itangira ku mukurikirana.
Kagize kati “Ubuyobozi bw’Ibanze bukimara kumenya uru rugomo,twitabaje Polisi,Tumusifu john ugaragra mu mashusho atabwa muri yombi.”
Amakuru avuga ko uyu mubyeyi yari yishuje Tumusifu ibihumbi 40 Frw yari umurimo nawe amwuka inabi ndetse atangira no kumuhondagura.
Uyu mugabo ubu afungiye kuri sitasiyo ya Polisi ya Mukarange.
UMUSEKE.RW
- Advertisement -