Ubuyobozi bw’ikipe y’Ingabo, bwemeje ko yamaze gutandukana na Chidiebere Nwobodo Johnson ukomoka muri Nigeria.
Mbere y’uko uyu mwaka w’imikino 2024-25, utangira, ikipe ya APR FC yari yagerageje kongera imbaraga, igura mu bice bitandukanye.
Mu bo yaguze harimo umunya-Nigeria, Chidiebere Nwobodo wari uvuye muri Enugu Rangers y’iwabo.
Ni umukinnyi utarigeze ugira amahirwe ahagije yo gukina ndetse bimugiraho ingaruka zo gutandukana n’iyi kipe.
Kuri uyu wa 27 Mutarama 2025, ni bwo APR FC yemeje ko yamaze gutandukana n’uyu munya-Nigeria wari wasinye amasezerano y’imyaka ibiri.
Chairman w’ikipe y’Ingabo, Brig Gen, Déo Rusanganwa, yemereye UMUSEKE aya makuru.
Ati “Yego twatandukanye.”
Uyu agiye yiyongera kuri Godwin Odibo nawe uherutse gutandukana n’ikipe y’Ingabo. Iyi kipe ikomeje imyiteguro itegura ry’Igikombe cy’Intwari aho muri 1/2 izakina na AS Kigali ku munsi w’ejo.
UMUSEKE.RW
