Ubuyobozi bwa Kiyovu Sports, bwemeje ko Lomami Marcel ari we mutoza mukuru wa yo, usimbuye Bipfubusa Joslin watandukanye n’iyi kipe.
Lomami yahawe amasezerano yo gutoza Urucaca imikino yo kwishyura muri uyu mwaka w’imikino 2024-25. Kiyovu ibicishije ku rubuga rwa yo (Website) yatangaje ko azaba yungirijwe na Malick Wade.
Uretse aba batoza kandi, umutoza ushinzwe kongerera ingufu abakinnyi, azakomeza kuba Sebarera Ayubu, mu gihe umutoza w’abazamu ari Nduwimana Pascal.
Marcel ategerejwe n’akazi gakomeye ko gufasha iyi kipe kuva mu makipe ahatanira kutajya mu Cyiciro cya kabiri, cyane ko yatangiranye ibibazo birimo kubura abakinnyi.
Iyi kipe yo ku Mumena, iri ku mwanya wa 15 mu makipe 16 n’amanota 12 mu mikino 15 yakinnye y’igice kibanza cya shampiyona.
UMUSEKE.RW
