Ishyaka riri ku butegetsi muri Tanzania,Chama cha Mapinduzi (CCM), ryaraye ryemeje Perezida Samia Suluhu Hassan kugira ngo azarihagararire mu matora y’umukuru w’iki gihugu azaba muri uyu mwaka.
Iki cyemezo cyafatiwe mu Nteko rusange y’iri shyaka rya CCM.
Iri syaka ryagenye kandi Hussein Mwinyi ngo aziyamamarize umwanya w’umukuru w’igihugu ku ruhande rwa Zanzibar.
Iyi nteko byari biteganyijwe ko yiga ku ngingo yo kugena ugomba kungiriza Samia Suluhu mu ishyaka rya CCM aho hafashwe icyemezo cyo kugena Stephen Wasira kuri uwo mwanya.
Abagize ishyaka rya CCM basabye inteko itora ko Perezida Samia na Perezida Mwinyi ngo babe ari bo baziyamamaza mu izina ry’ishyaka mu matora y’umukuru w’igihugu kubera uko baharaniye iterambere ry’igihugu.
Perezida Jakaya nk’umwe mu nararibonye z’ishyaka akaba yaranayoboye Tanzania, yatangaje ko ” CCM ifite ubushobozi bwo kwihitiramo uyiyobora igihe icyo ari cyo cyose.”
Ni bwo bwa mbere CCM igenye abaziyamamaza mu matora y’umukuru w’igihugu hakiri kare.
Mu bisanzwe, ibyemezo nk’ibi byajyaga bifatwa habura igihe gito ngo amatora atangire.
UMUSEKE.RW
