Imibare ya Emmanuel Okwi wasezeye muri Uganda Cranes

Rutahizamu ukomoka muri Uganda, Emmanuel Arnold Okwi unakinira AS Kigali, yemeje ko yamaze gusezerera mu ikipe y’Igihugu ya Uganda ‘Uganda Cranes.’

Kuri uyu wa Kabiri, abicishije mu Itangazo yageneye abamuzi ndetse n’abafana b’ikipe y’Igihugu ya Uganda, Emmanuel Arnold Okwi, ni bwo yatangaje ku mugaragaro ko yafashe icyemezo cyo gusezerera mu ikipe y’Igihugu ya Uganda.

Uyu mukinnyi wa AS Kigali, yafashe iki cyemezo nyuma y’uko amaze igihe adahamagarwa ngo aze atange unusanzu we mu gihugu cyamwibarutse.

Okwi yatsindiye Uganda Cranes ibitego 28mu mikino 95 yakiniye ikipe y’Igihugu. Yifurije bagenzi be ishya n’ihirwe mu gushaka itike y’Igikombe cya Afurika 2027 kizabera iwabo, Tanzania na Kenya.

Muri iyi baruwe ye, uyu rutahizamu yashimiye Ishyirahamwe rya Ruhago muri Uganda ndetse ashimira bagenzi be bamubaye hafi muri uru rugendo rwo gukinira ikipe y’Igihugu.