Gen Mamadi Doumbouya wafashe ubutegetsi muri Guinea Conakry yahaye imbabazi Moussa Dadis Camara na we wayoboye icyo gihugu akoze Coup d’Etat.
Ku wa Gatanu tariki 28 Werurwe nibwo Gen Mamadi Doumbouya, yahaye imbabazi Moussa Dadis Camara.
Uyu Dadis Camara yayoboye kiriya gihugu hagati ya 2008 na 2009 aza gukatirwa n’urukiko igifungo tariki 31 Nyakanga, 2024 ashinjwa ibyaha byibasiye inyoko muntu mu rubanza rujyanye n’abantu biciwe muri stade i Conakry tariki 28 Nzeri, 2009.
Gen Doumbouya yatanze imbabazi kubera impamvu z’ubuzima bwa Dadis Camara nk’uko RFI ibivuga.
Moussa Dadis Camara yari yarakatiwe gufungwa imyaka 20.
Tariki 28 Nzeri, 2009 abantu 156 biciwe muri stade barashwe, hari abatewe ibyuma mu nama yari yahuje abatavuga rumwe na Leta.
Abagore bagera ku 109 icyo gihe bafashwe ku ngufu.
UMUSEKE.RW