Nyuma yo gutandukana na Carlo Ancelotti, Real Madrid yahise itangaza Xabi Alonso nk’umusimbura we mu gihe cy’imyaka itatu iri imbere.
Iyi kipe yatangaje uyu mutoza, biciye ku mbuga nkoranyambaga za yo zirimo X yahoze yitwa Twitter. Real Madrid yatangaje ko Alonso wayikiniye, ari we uzayitoza kugeza muri Kamena 2028.
Uyu mutoza wasimbuye Ancelotti uherutse gutandukana n’iyi kipe, yayikiniye kuva mu 2009 kugeza mu 2014 ubwo yerekezaga muri Bayern Munich mu Budage ari na ho yaje gusoreza gukina nk’uwabigize umwuga agatangira gutoza.
Alonso w’imyaka 43, yahagaritse gukina mu 2017 ahita atangira umwuga wo gutoza mu. Mu 2022, yatoje Real Sociedad y’abato, mu 2022 ahita ajya gutoza Bayer Leverkusen ndetse ayihesha igikombe cya shampiyona 2023-2024.
Ni umutoza witezweho guha byinshi Real Madrid ifatwa nk’iyoboye izindi muri ruhago y’i Burayi n’Isi muri rusange. Mbere yo guhagarika gukina, yakiniye Liverpool kuva mu 2004 kugeza mu 2009 ubwo yajyaga muri Real Madrid y’iwabo muri Espagne.
UMUSEKE.RW
