Ukeneye kwamamaza! Gusobanuza! Gutanga amakuru? Hamagara 0788772818
Ku busabe bwa Banki y’isi, Leta y’Uburundi yavuye ku izima yemera kwakira inkingo za Covid-19 ariko itangaza ko itazigera ishishikariza abaturage kujya kwikingiza nk’uko byatangajwe na Minisitiri w’ubuzima w’iki gihugu.
Dr Thaddée Ndikumana yabwiye itangazamakuru ko Banki y’isi ariyo yabasabye ko bakwakira izo nkingo zigiye kugera bwa mbere muri icyo gihugu kuva Covid-19 yakwaduka.
Yagize ati ” Ingingo zafafashwe kugeza ubu ni uko imiryango ifunguye, badusabye gushaka aho kuzishyira.”
Ashimangira ko Leta nta ruhare izagira mu kubwira abaturage kujya kwikingiza ko ushaka ari we uzafata urukingo.
Leta y’Uburundi yari yaranze gufata izi nkingo ivuga ko izabanza ikareba uko zikora mu bindi bihugu mbere y’uko zemererwa kwinjira mu Burundi.
Uburundi na Eritrea ni byo bihugu ku mugabane wa Afurika byari bisigaye bitarafata inkingo za Covid-19.
Dr Ndikumana yabwiye abanyamakuru ko Covid-19 yiyongereye mu Ntara zihana imbibi n’Urwanda za Kirundo na Ngozi ndetse ko no mu Mujyi wa Bujumbura iki cyorezo cyahateye amatako.
Yatangaje ko hagiye gufungurwa ibigo byo kuvuriramo abarwayi ba Covid-19 muri izo Ntara Covid-19 ikomeje kwiyongera.
- Advertisement -
Imibare ivuga ko abasaga ibihumbi 6,000 aribo bamaze kwandura Covid-19 kuva mu mpera z’ukwezi kwa gatatu ikaba yarahitanye abantu 8, ni imibare iherutse gutangazwa na Minisiteri y’ubuzima abantu benshi bashidikanyaho.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
Ivomo: BBC
NDEKEZI JOHNSON / UMUSEKE.RW
