Perezida Filipe Nyusi wa Mozambique ndetse n’umugore we Isaura Nyusi bapimwemo icyorezo cya COVID-19 bahita bishyira mu kato.
Itangazo ryasohowe n’Ibiro by’Umukuru w’Igihugu muri Mozambique, rivuga ko Perezida Nyusi n’umugore we bafashe umwanzuro wo kwishyira mu kato mu rwego rwo kubahiriza ibiteganywa n’amabwiriza y’ubuzima ajyanye n’uwanduye COVID-19.
Gusa itangazo rivuga ko nta bimenyetso byihariye by’uburwayi bwa COVID-19 bafite.
Perezida Nyusi n’umugore we ngo bafashe umwanzuro wo kwisuzumisha nyuma y’ibikorwa bitandukanye bari bamazemo iminsi.
Muri iki gihugu imibare y’abandura Covid-19 ikomeje kuzamuka. Imibare y’abanduye muri Mozambique muri rusange bagera ku 193,000 abo icyorezo cyahitanye ni 2,031 mu gihe abavuwe barakira ari 158,680.
Ukeneye kwamamaza! Gusobanuza! Gutanga amakuru? Hamagara 0788772818
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
BBC
UMUSEKE.RW
