Ikipe ya Arsenal yatsinze Manchester United ikomeje kugaragaza imbaraga nke imbere y’ibigugu byo mu Bwongereza.
Ni umukino wabereye kuri Emirates Stadium ya Arsenal, kuri uyu wa Gatandatu.
Ubusanzwe umukino uhuza Arsenal na Manchester United, uba witabiriwe n’bafana benshi b’aya makipe bitewe no guhangana kw’ayo.
Hakiri kare cyane ku munota wa Gatatu gusa, ni bwo Nuno Tavares yaboneye Arsenal igitego cya Mbere ku mupira wabanje guterwa na Bukayo Saka mu izamu, David De Gea arawugarura usanga uyu myugariro awusunikira mu rushundura.
Iyi kipe y’i Londre yakomeje gusatira Manchester United, bigeze ku munota wa wa 30 itsinda igitego cya Kabiri cyari gutsinzwe na Eddy Nketiah abasifuzi bifashishije ikoranabuhanga ry’amashusho, bavuga ko habayeho kurarira ariko Arsenal ihita ihabwa penaliti ku ikosa ryakorewe Bukayo Saka.
Bukayo yahise atsinda neza penaliti yari amaze gukorerwa, gusa Cristiano Ronaldo aza kubonera ikipe ye igitego ku munota wa 34, maze igice cya Mbere Arsenal iri imbere n’ibitego bibiri ku busa bwa Manchester United.
Manchester United yagarutse mu gice cya Kabiri ifite imbaraga, biza kuyikundira ku munota wa 57 ubwo yabonaga penaliti ku mupira wari ukozwe na myugariro Nuno Tavares, ariko Bruno Fernandez ayitera hanze.
Ibintu byongeye kuba bibi ku munota wa 70, ubwo Granit Xhaka yarekuraga ishoti rya kure ku mupira mwiza yari ahawe na Muhamed Elneny, maze umupira uruhukira mu rushundura.
Arsenal yatsinze uyu mukino nyuma y’uko yaherukaga gutsinda Chelsea ibitego 4-2, mu gihe Manchester United yo yaherukaga kunyagirwa na Liverpool yatsinze ibitego 4-0.
- Advertisement -
Cristiano Ronaldo cyatumye yuzuza ibitego 100 muri shampiyona y’u Bwongereza.
Intsinzi y’uyu munsi ya Arsenal, yatumye ihita ifata umwanya wa Kane mu mikino 33 imaze gukina.
HABIMANA SADI/UMUSEKE.RW
