Abasirikare batatu ba Repubulika ya Demokarasi ya Congo, bakatiwe igihano cy’urupfu nyuma yo guhamwa no kwiba Telefone n’amafaranga y’umu “agent”.
Ni umwanzuro wafashwe ku wa 05 Ukwakira 2024 mu rubanza rwabereye i Beni mu Ntara ya Kivu ya Ruguru.
Aba basirikare bahamijwe ubujura bukoresheje imbunda no kwica amabwiriza y’ingabo.
Dieu Merci Amando, Samy Kongo na Jonas Tambu, bo muri batayo ya 33 ya FARDC nibo bahamwe n’ibyo byaha bakatirwa igihano cy’urupfu.
Aba basirikare bahamijwe ko ku wa 03 Ukwakira bateye umu “agent” muri Malepe bamwiba miliyoni ebyiri z’amakongomani, ibihumbi 2$ na Telefone eshatu yakoreshaga mu kazi ko kohereza amafaranga.
Gufatwa kw’aba basirikare byagizwemo uruhare nk’urubyiruko rwatabaye uyu mu ‘agent’ wari wagizwe intere.
Uretse igihano cy’urupfu, urukiko rwakatiye aba basirikare batatu kwishyura 15,000$.
UMUSEKE.RW
