Urukiko rw’Ibanze rwa Busasamana i Nyanza rwakatiye gufungwa by’agateganyo, Umukuru w’Umudugudu wa Rwamagana mu kagari ka Nyabinyenga mu Murenge wa Cyabakamyi mu karere ka Nyanza witwa EphronHakizimana, ukurikiranyweho icyaha cyo gukora jenoside .
Urukiko rwanzuye ko hari impamvu zikomeye zituma akekwaho iki cyaha akatirwa gufungwa iminsi 30 y’agateganyo.
Ubushinjacyaha bishingiye ku mvugo z’abatangabuhamya zashinjaga Ephron Kuba interahamwe aho yagiye mu bitero byishe Abatutsi.
Hakizimana we ahakana ibyo yaregwaga byose anashingiye ko atahunze igihugu.
Ikindi ngo ni uko haba mu ikusanyamakuru cyangwa muri gacaca atigeze akomozwaho aho yasabaga gukurikiranwa adafunzwe ariko urukiko rwabitesheje agaciro akaba agomba gukurinwa ari mu igororero rya Huye.
Theogene NSHIMIYIMANA
UMUSEKE.RW i Nyanza
