Kubera gukoresha umutungo wa Leta mu buryo bunyuranyije n’amasezerano Etincelles FC ifitanye n’Akarere ka Rubavu, Ubuyobozi bw’aka Karere bwasabye Urwego rw’Igihugu rw’Ubugenzacyaha, RIB, kugaruza miliyoni 3 Frw iyi kipe yaguzemo umukinnyi w’Umunyamahanga.
Ibi biri mu ibaruwa Umunyamabanga Nshingwabikorwa w’Akarere ka Rubavu, yandikiye RIB ku wa 6 Ukuboza 2024.
Muri iyi baruwa, Akarere ka Rubavu kagaragaza ko amasezerano gafitanye na Etincelles FC, avuga ko mu mafaranga iyi kipe ihawe n’Akarere bitemewe kuyaguramo abakinnyi b’abanyamahanga.
Bavuga ko Ubuyobozi bwa Etincelles FC bwabirenzeho nkana bugafata miliyoni 3 Frw, bukayaguramo umukinnyi w’Umunyamahanga.
Bavuga ko tariki ya 12 Ugushyingo uyu mwaka, bandikiye Perezida w’ikipe bamusaba gusubiza ayo mafaranga kuri konti y’Akarere ariko akaruca akarumira.
Kubera iyo mpamvu, Akarere ka Rubavu kandi Umuyobozi wa RIB muri aka Karere, kamusaba kugaruza ayo mafaranga yakoreshejwe mu buryo bunyuranyije n’amasezerano bafitanye n’iyi kipe.
Etincelles FC iri ku mwanya wa 14 n’amanota 10 mu mikino 13 imaze gukina.
UMUSEKE. RW
