Imirwano hagati y’ihuriro AFC/M23 n’ingabo za Leta ya Congo, zifatanya na Wazalendo irakomeje muri Kivu ya Ruguru na Kivu y’Amajyepfo.
Muri Kivu y’Amajyepfo, amakuru avuga ko AFC/M23 isatira Mwenga-Centre aho ibarizwa mu bilometero 70 kugira ngo ihagere.
Amakuru avuga ko ingabo za leta, FARDC na Wazalendo basahuye iduce dutandukanye twa Mwenga.
Mwenga-Centre ni agace gakomeye kari hagati ya Teritwari eshatu, Walungu, Shabunda na Uvira, kakaba gakungahaye ku mabuye ya zahabu.
Muri Kivu ya Ruguru, FARDC na Wazalendo basubiranye Buhimba
Agace ka Buhimba, ingabo za Leta zari zambuwe na AFC/M23 mu mpera z’icyumweru gishize, kongeye gufatwa n’ingabo za leta na Wazalendo.
Ni agace kari muri Gurupema ya Waloa Yungu muri Teritwari ya Walikale, kashyizwemo imbaraga cyane nk’ahantu ho kurindira umutekano Walikale.
Ku wa Mbere nimugoroba, ingabo za Leta, FARDC na Wazalendo babashije gusubirana ako gace, AFC/M23 yari yafashe ku cyumweru.
UMUSEKE.RW