BAL: Zamalek yasoje imikino y’amatsinda iyoboye, Patriots  izahura na Clube Ferroviário muri ¼

Zamalek yasoje imikino y’amatsinda ya BAL itsinda GSP amanota 97-64 (37-16,17-11,14-24,29-13). Bituma inazamuka muri ¼ ari iya mbere n’amanota 6/6.

Wari umukino w’ikirarane w’umunsi wa kabiri w’amatsinda utarakiniwe ku gihe.

Mohamed Seddik Touati (Zamalek) yarushije abandi amanota (20) anakora rebounds 7. Moustafa Elmekawi (GSP) atsinda amanota 19 akora rebounds 11.

Nyuma yo gusozwa kw’imikino y’amatsinda ya BAL 2021, habayeho tombola y’uko amakipe azahura mu mikino ya ¼ cy’irangiza izakinwa guhera kuri uyu wa Gatatu tariki 26 no ku wa Kane tariki 27 Gicurasi 2021 muri Kigali Arena.

Muri iyi tombola, Patriots Basketball Club ihagarariye u Rwanda yatomboye Clube Ferroviário de Maputo yo muri Mozambique, ikipe ikomeye ya US Monastir izahura na AS Douanes.

Dore uko gahunda ya ¼ iteye:

Ku wa Gatatu tariki 26 Gicurasi 2021

FAP vs Zamalek (15h30’)
AS Sale vs Petro Atletico de Luanda (19h00’)

Ku wa Kane tariki 27 Gicurasi 2021

AS Douanes vs US Monastir (15h30’)
Ferroviario de Maputo vs Patriots BBC (19h00’)

REBA YouTube Channel UMUSEKE TV video nziza nk’iyi. UKORA LIKE SHARE na COMMENT 

UMUSEKE.RW