Cricket/KwibukaT20 Tournament: U Rwanda rutsinze Botswana mu mukino ufungura irushanwa

Ikipe y’igihugu y’u Rwanda y’abagore mu mukino wa Cricket yatsinze iya Botswana ku mukino wa mbere mu irushanwa ryo Kwibuka abazize Jenoside yakorewe Abatutsi muri Mata 1994, ryiswe “Kwibuka Memorial T20 Women’s Tournament 2021. 

Ni irushanwa ry’abagore ritegurwa mu rwego rwo kwibuka abazize Jenoside yakorewe Abatutsi mu 1994, ryiswe “Kwibuka Memorial Women’s T20 Tournament 2021.

Iri rushanwa ryitabiriwe n’ibihugu birimo Namibia, Kenya, Nigeria, Botswana n’u Rwanda rwaryakiriye.

Umukino ufungura irushanwa warangiye u Rwanda rutsinze amanota 31 (31 runs) abakinnyi babiri (2 wickets) ari bo bavuyemo gusa, mu gihe Botswana yari yatsinze 29 (29 runs) abakinnyi bayo bose bavuyemo (all out 10 wickets), imaze gukubita udupira 66 ( overs 11).

Kapiteni w’ikipe y’u Rwanda, Uwera Sarah atangaza ko ubufatanye n’umurava ari byo byabafashije kwitwara neza muri uyu mikino.

Undi mukino wahuje Namibia na Nigeria.

Ikipe ya Nigeria ni yo yatsinze Toss maze bahitamo kubanza gutera udupira (Bolling) banashaka uburyo babuza Namibia gutsinda amanota menshi.

Namibia yatsinze uyu mukino ku manota 56 (56 Runs) mu dupira 54 tungana na Overs 9, mu gihe abakinnyi basohotse ku ruhande rwa Namibia ari babiri (2 Wickets).

Umukinnyi mwiza w’umukino yabaye VICTORIA Hamunyela wikipe yigihugu ya Namibia.

Iri rushanwa riri kuba ku nshuro ya 7, ryatangiye gukinwa muri 2014. Mu nshuro 6 rimaze kuba, ikipe ya Kenya ni yo imaze kuryegukana kenshi kuko imaze kuritwara inshuro eshatu (muri 2015, 2017 na 2018), mu gihe Uganda imaze kuryegukana kabiri (muri 2014 na 2016) na ho Tanzania ikaba yararyegukanye muri 2019 ari na bwo riheruka kuko umwaka ushize wa 2020 ritabaye kubera COVID-19.

Biteganyijwe ko amakipe azakina hagati yayo mu itsinda umukino ubanza n’uwo kwishyura.

Imikino yo mu matsinda yatangiye kuri iki Cyumweru tariki ya 06, izasozwa ku ya 11, ku ya 12 Kamena 2021 hakinwe imikino ya nyuma aho ikipe ya mbere mu itsinda A izahura n’iya mbere mu itsinda B mu guhatanira igikombe mu gihe ikipe ya 2 mu itsinda A n’iya kabiri mu itsinda B zizahatanira umwanya wa 3.

Iyi mikino yose iri kubera kuri Sitade Mpuzamahanga y’umukino wa Cricket mu Rwanda iherereye i Gahanga mu Karere ka Kicukiro.

Abakinnyi b’u Rwanda bakinnye uyu mukino:

1. Ishimwe Diane
2. Ishimwe Gisele
3. Uwera Sarah (C)
4. Bimenyimana Marie Diane
5. Uwamahoro Cathia
6. Ishimwe Henriette
7. Ikuzwe Alice
8. Murekatete Belyse
9. Vumiliya Margueritte
10. Nyirankundineza Josiane
11. Muhawenimana Immaculee
12. Ingabire Sifa

Aba Botswana:

1. Samanyika Florence
2. Masweu Shameelah
3. Mophakedi Laura
4. Frfeman Botho
5. Mokgotlhe Amantle
6. Kgang Jacqualine
7. Mpedi Botsogo
8. Madimabe Bontle
9. Motlahabaphuti Tebogo
10. Shadrack Tuelo
11. Keitsemang Onneile
12. Modimo Precious
13. Mokibelo Collin
14. Ditshotlo Tebagano

REBA YouTube Channel UMUSEKE TV video nziza nk’iyi. UKORA LIKE SHARE na COMMENT

Dieudonne NSHIMIYIMANA /UMUSEKE.RW