Perezida wa Nigeria Muhammadu Buhari yasubitse urugendo yari afite mu Bwongereza aho byari biteganyijwe ko ajya kwivuza guhera kuri uyu wa Gatanu.
Ku wa Kane Ibiro by’Umukuru w’Igihugu byari byasohoye itangazo bivuga ko hari gahunda yo kujya mu Bwongereza kugira ngo Abaganga bakomeze gukurikirana ubuzima bwe.
Buhari w’imyaka 78, yari kuba ari inshuro ya Kabiri muri uyu mwaka agiye mu Bwongereza kwivuza.
Kugeza ubu nta mpamvu n’imwe yatangajwe yo gusubika urwo rugendo ariko indi tariki ngo izatangazwa vuba.
Kuva yagera ku butegetsi mu 2015, yakomeje kujya mu Bwongereza kenshi kwivuza bivugwa ko atameze neza ariko kugeza magingo aya uburwayi bwe bwagizwe ibanga.
Buhari yakomeje kunengwa uburyo ajya kwivuriza mu mahanga mu gihe kandi inzego z’ubuzima zo muri icyo gihugu zakomeje gutaka ikibazo cy’amikoro.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
BBC
- Advertisement -
TUYISHIMIRE Raymond / UMUSEKE.RW
