Amatora muri Somalia yasubitswe

Ukeneye kwamamaza! Gusobanuza! Gutanga amakuru? Hamagara 0788772818

Somaliya yasubitse amatora yagombaga kuba kuri iki cyumweru nyuma y’amezi abanyeporitiki bari bamaze batumvikana.

Umwe mu bategetsi bo muri Somaliya yabwiye AFP dukesha iyi nkuru ko amatora atakibaye nk’uko byari biteganyijwe, intandaro ngo ni uko Intara zitohereje abakandida bazo ku gihe.

Amatora y’abadepite n’ay’umukuru w’igihugu yari kuba kuri iki cyumweru tariki ya 25 Nyakanga 2021, Intumwa z’ama Leta zari kumara iminsi ine zitora Abasenateri.

Urwo rukurikirane rw’amatora rwari kuzarangizwa n’ay’umukuru w’igihugu kw’itariki 10 z’ukwezi kwa cumi.

Umuvugizi wa Leta, Mohamed Ibrahim Moalimu yabwiye AFP ko Minisitiriw’Intebe Mohamed Hussein Roble yagejeje ku bakuru b’ama Leta umubabaro byamuteye.

Minisitiri w’Intebe Mohamed Hussein Roble ni we yashinzwe na Leta icyo gikorwa cyo gutunganya amatora muri Somalia.

Ivomo: AFP

NDEKEZI JOHNSON / UMUSEKE.RW