Ukeneye kwamamaza! Gusobanuza! Gutanga amakuru? Hamagara 0788772818
Ministeri y’Ubuzima yatangaje ko ku wa Gatatu taliki ya 21 Nyakanga 2021, mu Rwanda icyorezo cya Covid-19 cyahitanye abantu 16 mu gihe handuye abandi bashya 925.
Covid-19 yishe abagore 12, barimo batanu b’imyaka 85, 84, 68, 60, 29 i Kigali), umwe w’imyaka 80 muri Nyaruguru, batatu b’imyaka 76, 34, 24 i Muhanga, babiri b’imyaka 75, na 61 i Rubavu n’undi w’imyaka 66 waguye muri Kayonza.
Abagabo bane bapfuye ni umwe w’imyaka 93 i Rubavu, babiri b’imyaka 80, na 62 b’i Kigali n’umwe w’imyaka 63 i Rwamagana.
COVID-19 imaze kwamburwa ubuzima abagera kuri 693 kuva igeze mu Rwanda.
Mu bipimo byafashwe ku wa Gatatu bigera ku 10,158 byabonetsemo abanduye 925 bangana na 9.1%. Muri rusange abamaze kwandura kuva muri Werurwe 2020 bagera ku 60,066. Muri bo abantu 43,055 barakize barimo 1,104 bakize mu masaha 24 ashize.
Abantu 16,38 bakirwaye Covid-19 barimo 74 barembye barimo kwitabwaho n’Abaganga bari mu bitaro cyangwa mu ngo zabo.
Uko ubwandu bwagiye bugaragara mu Turere
- Advertisement -
Abantu bashya 7,423 bahawe doze ya mbere y’urukingo rwa COVID-19, abamaze gukingirwa muri rusange bagumye ku 413,427. Ni mu gihe kandi abantu 253,087 bamaze guhabwa doze ya kabiri y’urukingo.
UMUSEKE.RW
