Ukeneye kwamamaza! Gusobanuza! Gutanga amakuru? Hamagara 0788772818
Kuri uyu wa Kabiri umuyobozi wa APR FC, Lt Gen Mubarakh Muganga yasuye iyi kipe n’ibikorwa bitandukanye byubatswe ku mpande z’ikibuga iyi kipe ikoreraho imyitozo, birimo ibifasha kongerera imbaraga abakinnyi, akaba yanakurikiranye imyitozo y’iyi kipe dore ko irimo kwitegura imikino ya CAF Champions League.
Umuyobozi w’ikipe y’ingabo z’igihugu APR FC, Lt Gen Mubarakh Muganga, yanaboneyeho gushimira abakinnyi uburyo bitwaye mu cyiciro cya bere cy’imikino ya CAF Champions League ubwo batsindaga ikipe ya Mogadishu City Club yo muri Somalia ndetse bakaza no kuyisezerera.
Ati ” Ndabashimira uburyo mwitwaye mukuramo iriya kipe nyamara ibarizwamo abakinnyi mpuzamahanga barenga barindwi byari ibyishimo, n’ubwo ntabashije kugera kuri sitade ngo nkurikirane uriya mukino kuko narindi m’ubutumwa bw’akazi, ariko nawukurikiranye mu buryo bw’amashusho. Mwitwaye neza, ntabwo nari narabonye uburyo bwo kubashimira ku mugaragaro ubu nicyo cyanzanye.”
Yasabye abakinnyi gukomeza intego bihaye ” Nbasaba gukomeza imyitozo myiza kugira ngo tuzabashe no gutahana intsinzi mu mikino tuzakurikizaho, imyitozo murayikora neza twizeye ko nahandi tuzabona intsinzi ituma Ingabo z’Igihugu zishima, abakunzi ba APR FC n’abakunzi b’umupira w’amaguru muri rusange bikaba akarusho.”
UMUSEKE.RW
