Ukeneye kwamamaza! Gusobanuza! Gutanga amakuru? Hamagara 0788772818
Cameroun yatwaye igikombe cya Afurika mu marushanwa ya Volleyball mu Bagore yaberaga muri Kigali Arena. Ni nyuma yo gutsinda Kenya seti 3 – 1 ku mukino wa nyuma.
Kuri iki Cyumweru muri Kigali Arena, ni bwo hasojwe igikombe cya Afurika cya Volleyball mu bagore, igikombe cyari kimaze iminsi 10 gihatanirwa.
Umukino wa nyuma wahuje Cameroun na Kenya, urangira Cameroun itsinze Kenya seti 3-1, itwara iki gikombe ku nshuro ya gatatu yikurikiranya.
Imikino y’uyu munsi, yabaye nyuma y’iminsi itatu irushanwa rijemo ibibazo byatewe n’ikipe y’u Rwanda yatanzweho ikirego cyo gukinisha abakinnyi batabyemerewe, byaje no kuyiviramo gusezererwa no gufatirwa ibihano.
Iyi mikino yaje gusubukurwa ku i Saa ine za mu gitondo, habanje gukinwa imikino ya 1/2 cy’irangiza, Kenya itsinda Maroc seti eshatu ku busa (25-12, 25-21, 25-11) ihita ibona itike yo gukina umukino wa nyuma.
Saa Sita n’iminota 15 haje gukurikiraho undi mukino wahuje Cameroun na Nigeria yahise ifata itike y’u Rwanda. Umukino na wo warangiye Cameroon igeze ku mukino wa nyuma itsinze Nigeria seti 3-0 (25-13, 35-33, 25-13).
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
UMUSEKE.RW