Ukeneye kwamamaza! Gusobanuza! Gutanga amakuru? Hamagara 0788772818
Imbere ya Nyakubahwa Perezida wa Repubulika y’u Rwanda, ku mukino warwo wa mbere w’Igikombe cya Afurika cya Volleyball y’abagabo, Ikipe y’u Rwanda yisasiye u Burundi ibutsinda amaseti 3-0.
Ni umukino wagejeje isaa 23:40 z’ijoro, Perezida Kagame yari akiri muri Kigali Arena ategereje kwihera ijisho no gutera ingabo mu bitugu abasore b’u Rwanda.
Bivugwa ko ikipe y’u Burundi yahuye n’ikibazo cya Covid-19 kuri bamwe mu bakinnyi bayo, bivugwa ko ari 3 mu gihe abandi 3 bagowe n’imyirondoro ituzuye.
U Rwanda rwatsinze iseti ya mbere ku manota 25 kuri 15.Seti ya kabiri yarangiye u Rwanda rutsinze u Burundi amanota 25 kuri 19mu gihe iya nyuma rwayitsinze ku manota 25 kuri 12.
U Rwanda rwari hejuru rubifashijwemo n’abakinnyi nka Yakan Guma Laurence,Mutabazi Yves,Mahoro Ivan na Kavalo Patrick.
U Rwanda ruri mu itsinda rimwe na Uganda,Burkina Faso n’Uburundi aho umukino wa 2 ruzakina kuwa Kane na Burkina Faso yatsinzwe na Uganda amaseti 3-1.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
NDEKEZI JOHNSON / UMUSEKE.RW