Abayobozi b’Uturere tugize Intara y’Ibarasirazuba bamwe batunguranye

Mu gitondo cyo kuri uyu wa Gatanu tariki ya 19 Ugushyingo 2021, mu  gihugu hose hakozwe amatora ya Komite Nyobozi na Njyanama z’Uturere, mu Ntara y’Iburasirazuba isa n’ifite umwihariko kuko mu Bayobozi  batorewe kuyobora Akarere, batatu muri bo bari basanganywe izo nshingano, abandi batowe bose ni bashya.

Bamwe mu bari basanzwe bafite izo nshingano barimo Mutabazi Richard wari usanzwe uyobora Akarereka Bugesera, Gasana Richard wayoboraga Akarere ka Gatsibo ndetse na Mbonyumuvunyi Radjab wayoboroga Akarere ka Rwamagana bongeye kugirirwa icyizere.

Ni mu gihe bamwe mu binjije amaraso mashya muri iyi Ntara barimo Nyemazi John Bosco wahawe inshingano mu Karere ka Kayonza, Rangira Bruno witezeweho impinduka mu Karere ka Kirehe yari asanzwe akora mu Mujyi wa Kigali, Niyonagira Anathalie wahawe kuyobora Akarere ka Ngoma, ndetse na Gasana Steven uzatanga umusanzu mu iterambere ry’Igihugu ayobora Akarere ka Nyagatare.

Mutabazi Richard yasabye ubufatanye n’abaturage…

Ubwo mu Karere ka Bugesera hamagara gutangazwa komite nshya y’Akarere ndetse n’abagize Njyanama y’Akarere, Umuyobozi w’Akarere ka Bugesera yasabye abaturage ubufatanye no kurushaho kuzamura iterambere ry’Akarere.

Yagize ati “Turabizeza kubishyiraho umutima kandi turabasaba gukomeza kudufasha. Icyizere mwatugiriye mudutora, ntimudutererane, twe twenyine ntabwo twabishobora ariko dufatanyije namwe twabishobora kandi turabyizeye.”

URUTONDE RW’ABAYOBOZI B’UTURERE BATOWE MU GIHUGU HOSE

Intara y’Amajyaruguru

Gicumbi: Nzabonimpa Emmanuel
Burera: Uwanyirigira Marie Chantal
Rulindo: Mukanyirigira Judith
Musanze: Ramuli Janvier
Gakenke: Nizeyimana JMV

Intara y’Iburasirazuba

Bugesera: Mutabazi Richard
Gatsibo: Gasana Richard
Kayonza: Nyemazi John Bosco
Kirehe: Bruno Rangira
Ngoma: Niyonagira Nathalie
Nyagatare: Gasana Steven
Rwamagana: Mbonyumuvunyi Radjab

Intara y’Amajyepfo

Gisagara: Rutaburingoga Jérôme
Huye: Sebutege Ange
Kamonyi: Dr Sylvere Nahayo
Muhanga: Kayitare Jacqueline
Nyamagabe: Niyomwungeri Hildebrand
Nyanza: Ntazinda Erasme
Nyaruguru: Murwanashyaka Emmanuel
Ruhango: Habarurema Valens

Intara y’Iburengerazuba

Karongi: Mukarutesi Vestine
Ngororero: Nkusi Christophe
Nyabihu: Mukandayisenga Antoinette
Nyamasheke: Mukamasabo Appolonie
Rubavu: Kambogo Ildephonse
Rusizi: Dr Kibiriga Anicet
Rutsiro: Murekatete Triphose