Mu Mudugudu wa Nyanza mu Kagari ka Nyanza mu Murenge wa Busasamana, mu karere ka Nyanza imodoka yahiye irakongoka, umushoferi wari wayitwaye kuyikoresha mu igaraje byabaye akiyatsa.
Ahagana mu musaha ya saa kumi n’imwe z’umugoroba nibwo mu igarage ryitwa Company SMART GARAGE rya Murengerantwari Jean Nepomuscene habereye iriya inkongi, ubwo imodoka yo mu bwoko bwa TOYOTA HIACE ifite pulaki RAE 102 V ya Harerimana Roben yashyaga.
Imodoka itwarwa n’umushoferi we, yari yagiye kuyikoresha akiyatsa ifatwa n’umuriro, bivugwa ko umuriro watangiriye muri moteri imodoka yose irafatwa.
Umuyobozi w’akarere ka Nyanza, Ntazinda Erasme yabwiye UMUSEKE ko ku bw’amahirwe uretse iyo modoka nta kindi cyangiritse.
Ati “Bikimara kumenyekana Polisi yihutiye kujya kuzimya inzu z’iryo garaje zirimo ibikoresho byifashishwa ntizagira icyo ziba gusa imodoka yo yahiye irakongoka.”
Hari amakuru avuga ko iyo modoka yari ifite agaciro ka miliyoni esheshatu.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
Theogene NSHIMIYIMANA
UMUSEKE.RW/NYANZA
