Ubuyobozi bwa Sosiyete y’ubwikorezi bwo mu kirere, RwandAir, bwatangaje ko indege y’iyi sosiyete yakoreraga urugendo muri Uganda, yaguye hanze y’ikibuga cy’indege kubera ikirere kitameze neza.
Iyi ndege yari ihetse abagenzi urugendo rwahawe code, flight WB464 yerekezaga kuri Entebbe International Airport, kubera ikirere kibi byabaye ngombwa ko Umupilote ayigusha hanze y’ikibuga kuko atabonaga amatara, ku bw’amahirwe igwa ahantu hagenewe kurinda abagenzi no kugabanya ubukana bw’impanuka aho bita mu Cyongereza, (Runway safety area).
Iyi mpanuka yabaye mu gitondo cyo kuri uyu wa Gatatu, tariki 20 Mata, 2022 nk’uko Sosiyete ya RwandAir ibisobanura.
Sosiyete ya RwandAir yagize iti “Abagenzi bose n’abakora mu ndege babashije gusohoka mu ndege ari bazima nta wakomeretse wagaragaye.”
UMUSEKE.RW