Ku wa Kane tariki 9 Kamena, mu gihugu cy’u Bwongereza hatangajwe abakinnyi bitwaye neza mu mwaka w’imikino ushize wa 2021-2022.
Hatangajwe ikipe nziza y’umwaka, hatangazwa umukinnyi mwiza ukiri muto, umunyezamu mwiza w’umwaka n’umutoza mwiza.
Ikipe y’intoranywa, ni Alisson Beker (Liverpool), Alxéndre-Arnord (Liverpool), Van Dijk (Liverpool), Antonio Rudiger (Chelsea), Cancelo (Manchester City), Kevin De Bruyne (Manchester City), Thiago Alcantara (Liverpool), Bernardo Silva (Manchester City), Muhamed Salah (Liverpool), Cristiano Ronaldo (Manchester United) na Sadio Mané (Liverpool).
Mu cyiciro cy’umukinnyi muto wahize abandi, Phil Foden wa Manchester City yahize bagenzi be. Mu cyiciro cy’abagore, Sam Kerr ukinira Chelsea, niwe wabaye umukinnyi w’umwaka nyuma yo gutsinda ibitego 20 mu mikino 20. Lauren Hemp wa Manchester City nawe yatowe nk’umukinnyi w’umwaka mu cyiciro cy’abagore.
Muhamed Salah na Heung-Min Son ni bo batsinze ibitego byinshi (23) muri shampiyona y’u Bwongereza y’umwaka ushize.
Salah yabonye iki gihembo ku nshuro ye ya Gatatu, nyuma yo gutsinda ibitego byinshi mu 2017-2018, 2018-2019 na 2021-2022.
UMUSEKE.RW