Salomon Kalou wakiniye Chelsea yagiye gukina muri Djibouti

Shampiyona y’icyiciro cya Mbere mu gihugu cya Djibouti, si benshi bayizi ariko magingo aya imaze kugeramo amazina manini y’abakinnyi bazwi ku Isi. Ugezweho, ni Salomon Kalou w’imyaka 36. Uyu mugabo wakinnye muri shampiyona zikomeye ku Isi, yamaze gusinyira ikipe ya AS Arta Solar 7 yo muri Djibouti nk’uko ibinyamakuru birimo TheSun ku mugabane w’i Burayi byabitangaje.

Uyu mukinnyi yasinyiye iyi kipe amasezerano y’igihe gito kuko ashobora kutahatinda.

Kalou asanze abandi bakinnyi bakiniye amakipe akomeye i Burayi muri iyi kipe, nka Alex Song wakiniye izirimo Arsenal na FC Barcelona, Idriss Carlos Kameni, Dany Nounkeu, Diafra Sakho na Alain Traore.

Uyu rutahizamu yavuye muri Botafogo yo muri Brésil muri Mata nyuma yo gusoza amasezerano. Yakiniye amakipe arimo Chelsea yo mu Bwongereza, Lille yo mu Bufaransa, Hertha BC yo mu Budage n’izindi.

AS Arta Solar 7 yegukanye igikombe cya shampiyona n’icy’Igihugu muri Djibouti, muri uyu mwaka w’imikino [2021-2022].

UMUSEKE.RW