Nyuma y’isozwa ry’umwaka w’imikino ushize 2021/2022, bamwe mu batoza n’abakinnyi berekeje mu biruhuko, abandi basubukuye akazi.
Amakuru UMUSEKE wamenye, ni uko uyu mutoza wa Bugesera FC, Étienne Ndayiragije, yerekeje i Burundi mu ijoro ryo kuwa Kabiri tariki 12 Nyakanga Uyu mutoza yahagurutse Saa tatu z’ijoro zirenga yerekeza ku kibuga mpuzamahanga cy’indege i Kanombe aho yafatiye indege imwerekeza i Burundi.
N’ubwo uyu mutoza yagiye gusura umuryango we uba muri icyo gihugu, amakuru avuga ko ubuyobozi bwa Bugesera FC bwifuzaga ko abatoza basubukura imyitozo.
Abandi batoza batarava mu biruhuko, ni aba APR FC, Adil Erradi n’umwungiriza we.
Bugesera FC yasoje shampiyona iri kumwanya wa Cyenda n’amanota 37.
UMUSEKE.RW
