Uko iminsi yicuma, ni ko ikipe ya Rayon Sports ikomeje kugaragara ku isoko ry’igura n’igurisha. Umukinnyi wari ugezweho ni uwo hagati ujyana imipira mu busatirizi.
Babicishije ku mbuga nkoranyambaga zabo, ikipe ya Rayon Sports yatangaje ko yamaze gusinyishije Ndekwe Félix, amasezerano y’imyaka ibiri imukuye muri AS Kigali FC.
Uyu musore yageze muri AS Kigali mu 2019 avuye muri Gasogi United. Ni umukinnyi wafashije ikipe avuyemo muri shampiyon y’umwaka ushize.
Ndekwe yaciye muri Marines FC, mu makipe y’abato ya Kiyovu Sports. Aheruka guhamagarwa mu ikipe y’Igihugu, Amavubi.
UMUSEKE.RW