Amakipe yo ku mugabane w’i Burayi akomeje kwiyubaka yitegura umwaka utaha w’imikino.
Ikipe zo mu cyiciro cya Kabiri mu Butaliyani, nazo zikomeje kwiyubaka zitegura shampiyona y’uyu mwaka w’imikino 2022/2023.
FC Côme isanzwe ibarizwa mu cyiciro cya Kabiri muri iki gihugu, yamaze gusinyisha Cesc Fabrigas amasezerano y’imyaka ibiri. Bisobanuye ko amasezerano ye azarangira muri Kamena 2024.
Uyu mukinnyi w’imyaka 35 ukina hagati mu kibuga, yazamukiye mu ishuri ryigisha umupira w’amaguru rya FC Barcelona, ahava ajya muri Arsenal, ayivamo asubira muri FC Barcelona, ahava ajya muri Chelsea nayo yavuyemo mu 2019 yerekeza muri Monaco mu Bufaransa.
Fabrigas yakiniye ikipe y’igihugu ya Espagne nkuru ndetse n’i’izindi zose z’ingimbi.
UMUSEKE.RW