Rutahizamu w’ikipe y’Igihugu y’u Bufaransa na Real Madrid, Karim Benzema n’umutoza we, Carlo Ancelotti begukanye bitangwa n’Impuzamashyirahamwe y’Umupira w’Amaguru ku mugabane w’i Burayi, Uefa.
Ni ibihembo bihabwa abitwaye neza kurusha abandi mu mwaka w’imikino uba ushize. Bisobanuye ko aba bombi bahawe ibyo mu mwaka ushize wa 2021/2022.
Karim Benzema yagize umwaka mwiza kuko yatsinze ibitego byinshi muri shampiyona ya Éspagne, muri Uefa Champions League, yegukana igikombe cya shampiyona n’icya Champions League. Uyu rutahizamu kandi yegukanye igikombe kiruta ibindi muri Éspagne, Super Coupe, yegukana Super Coupe ya Uefa anegukana Ballon d’Or.
Umutoza Carlos Ancelotti na we wagize umwaka mwiza muri Real Madrid, ni we Uefa yahisemo nk’umutoza wahize abandi mu mwaka w’imikino ushize.
Mu bakobwa, Alexia Putellas ukinira WFC Barcelona ni we wahembwe nk’uwahize bagenzi be b’abakobwa.
UMUSEKE.RW