Uwari umutoza mukuru wa AFC Bournemouth, Scott Parker yamaze guhambirizwa nyuma yo kunyagirwa na Liverpool ibitego 9-0.
Ku munsi wa Kane wa shampiyona y’Icyiciro cya Mbere mu Bwongereza, hagaragayemo imikino yagiye itandukanye irimo iyabonetsemo ibitego byinshi.
Umukino watunguranye, ni uwahuje ikipe ya Liverpool FC yatsinze AFC Bournemouth ibitego 9-0. Ibi byatumye ubuyobozi bw’iyi kipe yanyagiwe bwahise bufata icyemezo cyo kwirukana umutoza.
Iyi kipe ibicishije ku mbuga nkoranyambaga za yo, yatangaje ko yamaze gutandukana n’uwari umutoza mukuru wa yo, Scott Parker.
Uyu mutoza ukomoka mu Bwongereza w’imyaka 41, yatoje amakipe arimo Tottenham, Chelsea, West Ham United, Fulham n’izindi.
Iyi kipe yatsinzwe ibitego 16 mu mikino itatu. Manchester City yayitsinze ibitego 4-0, Arsenal iyitsinda 3-0 na Liverpool yayitsinze ibitego 9-0.
Ikipe yatangaje ko umutoza Gary O’neil, Shaun Cooper na Tommy Elphick ari bo basigarana inshingano zo kuyigumana by’agateganyo.
UMUSEKE.RW