Ubuyobozi bw’ikipe ya Simba Sport Club yo muri Tanzania, bwatangaje ko iyi kipe igiye gukina imikino ya gicuti itatu mpuzamahanga izafasha iyi kipe gukomeza gutegura neza shampiyona n’amarushanwa Nyafurika ya CAF Champions League.
![](https://umuseke.rw/wp-content/uploads/2022/08/8.-Simba-SC-imikino-ya-gicuti.jpg)
Muri shampiyona y’Icyiciro cya Mbere muri Tanzania, bageze ku munsi wa Gatatu. Yanga SC na Simba SC zimaze kubona amanota atandatu yuzuye mu mikino ibiri iheruka gukinwa.
N’ubwo iyi shampiyona iri gukinwa, ikipe ya Simba SC irateganya gukina imikino ya gicuti itatu mpuzamahanga mu minsi yegeranye.
Umukino wa Mbere ni uwa Asante Kotoko uzabera muri Sudan tariki 28 Kanama, uwa Kabiri ni uwa Al Hilal uzabera muri Sudan tariki 31 Kanama 2022, mu gihe uwa Gatatu ari uwa ari uwa AS Arta Solar yo muri Djibouti. Uyu uzakinwa tariki 3 Nzeri.
UMUSEKE.RW