Abakinnyi, abatoza n’abayobozi b’ikipe ya Rayon Sports, basuye ikigo cy’amashuri abanza cya Groupe Scolaire Muhato kiri mu Akarere ka Rubavu.
Ibi byabaye kuri uyu wa Gatanu mu rwego rwo gukundisha abakiri umupira w’amaguru by’umwihariko ikipe ya Rayon Sports.
Ubwo Rayon Sports yasuraga iki kigo, yagaragarije urugwiro abanyeshuri ndetse nabo bagaragaza ko bishimiye gusurwa n’abo bajyaga bumvira kuri radio.
Uretse gusura iki kigo cy’amashuri, yanabahaye imipira yo gukina umupira w’amaguru.
Iyi kipe ikunzwe na benshi mu Rwanda, yageze mu Akarere ka Rubavu kuwa Gatanu tariki 29 Nzeri 2022.
Iyi kipe yajyanye abakinnyi batarimo kapiteni wayo, Rwatubyaye Abdoul, Ganijuru Élie n’umunyezamu Ramadhan Kabwili.
Umukino w’umunsi wa Kane wa shampiyona uzahuza Marines FC n’iyi kipe ya rubanda, uteganyijwe kuwa Gatandatu tariki 1 Ukwakira 2022 kuri Stade Umuganda saa Cyenda z’amanywa.
AMAFOTO@ Rayon Sports
UMUSEKE.RW
