Ubuyobozi bwa AS Kigali, bwatangaje ibiciro byo kwinjira ku mukino wa shampiyona iyi kipe izaba yakiriye Kiyovu Sports.
Ni umukino w’umunsi wa 12 wa shampiyona, uteganyijwe kuzabera kuri Stade ya Kigali i Nyamirambo ku wa Gatandatu tariki 3 Ugushyingo 2022 Saa Cyenda z’amanywa.
Ibiciro byo kwinjira kuri uyu mukino, byagizwe ibihumbi 2 Frw ahasigaye hose, ibihumbi 5 Frw ahasakaye, ibihumbi 10 Frw mu cyubahiro (VIP) n’ibihumbi 20 Frw mu cyubahiro (V.VIP) ariko uzishyura aya akazanahabwa aho aparika ikinyabiziga cye.
Ikipe ya AS Kigali yicaye ku mwanya wa Kane, mu gihe Kiyovu Sports yo yicaye ku mwanya wa Kabiri ku rutonde rw’agateganyo rwa shampiyona.
Mu mwaka ushize w’imikino, AS Kigali yatsinze Kiyovu umukino ubanza ibitego 4-0, indi iyitsinda uwo kwishyura igitego 1-0.
UMUSEKE.RW