Ubuyobozi bw’ikipe ya Sofapaka FC yo mu cyiciro cya mbere muri Kenya, bwatangaje ko bwamaze gutandukana n’abakinnyi babiri barimo rutahizamu waciye muri Rayon Sports, Davis Kasirye na Joeseph Waithera.
Iyi kipe yabitangaje ibicishije ku mbuga za yo tariki 23 Mutarama 2023. Aba bakinnyi bombi bari bamaze amezi ane gusa.
Ikipe yemeje ko yatandukanye n’aba bakinnyi biciye mu bwumvikane kuko bari bakiyifitiye amasezerano.
Davis Kasirye mu mikino itandatu yakiniye Sofapaka FC mu mezi ane yari ahamaze, yatsinzemo igitego kimwe anatanga umupira umwe uvamo igitego.
Kwamamaza
Kasirye yakiniye amakipe y’iwabo muri Uganda arimo KCCA n’izindi. We na Joeseph Waithera baje muri Sofapaka FC bavuye muri Wazito FC yo muri Kenya.
UMUSEKE.RW
