Ubuyobozi bw’Ishyirahamwe Nyarwanda ry’Umukino wa Triathlon, ryatangaje ko umwaka w’imikino 2022/2023 uzatangira muri Gashyantare ukazasozwa mu Ukuboza uyu mwaka.
Iyi ngengabihe yo muri Triathlon, iragaragaza ko umwaka w’imikino uzatangirira i Rubavu muri uku kwezi tariki 18 ubwo hazaba hakinwa shampiyona y’Igihugu.
Abakina uyu mukino kandi, bazitabira amarushanwa mpuzamahanga nk’uko bigaragara kuri iyi ngengabihe. Tariki 9 Ukuboza 2023 ni bwo umwaka w’imikino uzasorezwa i Gicumbi hasozwa shampiyona.
Umukino wa Triathlon, uba ukomatanyije imikino itatu irimo gusiganwa ku maguru [Athlètisme], kunyonga igare [Cycling] no Koga [Swimming]. Hari n’ubwo hakinwa irushanwa rikomatanya imikino ibiri [Duathlon].
UMUSEKE.RW