Ku mugoroba wo kuri iki cyumweru ahagana saa kumi n’imwe n’igice (17h30) abaturage basanze umurambo w’umugore ku muhanda, ariko ntihamenyekanye icyo yazize.
Byabereye mu karere ka Ruhango, mu murenge wa Byimana mu kagari ka Kirengere, mu mudugudu wa Rusororo.
Abaturage bahaye amakuru UMUSEKE, bavuga ko babonye umurambo w’umugore uri mu kigero cy’imyaka 50 y’amavuko ku muhanda.
Umunyamabanga Nshingwabikorwa w’umurenge wa Byimana, Mutabazi Patrick yabwiye UMUSEKE ko bishoboka ko uriya muntu yaba yazize impanuka y’imodoka.
Ati “Uko umurambo ugaragara birakekwa ko ari imodoka itaramenyekana yamugonze. Imyirondoro ye, ntabwo iramenyekana.”
UMUSEKE wamenye amakuru ko nyakwigendera yitabye Imana ubwo hariya mu Ruhango hagwaga imvura nyinshi.
Dutegura iyi nkuru umurambo wanyakwigendera wari mu nzira ngo ujyanwe ku bitaro bya Kabgayi.
Théogène NSHIMIYIMANA
UMUSEKE.RW mu Ruhango