Mu mikino iri guhuza ibihugu byo mu Karere ka Gatanu muri Handball y’Abangavu batarenegeje imyaka 17, u Rwanda rwatangiye neza rutsinda igihugu cya Djibouti.
Mu gihugu cya Tanzania hari kubera irushanwa rya Handball mu bangavu, ryiswe ‘IHF Challenge Trophy [Zone V], rihuza ibihugu bituye muri aka Karere.
Iri rushanwa riri kubera mu Mujyi wa Dar es Salam mu gihugu cya Tanzania, u Rwanda ruri mu byaryitabiriye ndetse rwatangiranye intsinzi.
Mu mukino ufungura, Abangavu batarengeje imyaka 17 bahagarariye u Rwanda, batangiye batsinda Djibouti ibitego 52-2.
U Rwanda rwahagurukanye abakinnyi 14 mu rukerera rwo kuri uyu wa Kabiri. Ruzakina umukino wa Kabiri ku wa Gatatu tariki 26 Mata 2023 na Sudan y’Epfo.
UMUSEKE.RW