Ishyirahamwe Nyarwanda ry’Umupira w’Amaguru, Ferwafa, ryasabye amakipe kohereza amazina y’abatoza bifuza kuzakora amahugurwa agenewe abatoza basanzwe bongerera ingufu abakinnyi mu cyiciro cya Mbere cy’abagabo n’abagore.
Ferwafa ibicishije ku mbuga nkoranyambaga za yo zirimo Twitter, yashyizeho Itangazo ryagenewe abatoza bashinzwe kongerera ingufu abakinnyi bo mu Cyiciro cya Mbere mu byiciro byombi.
Iri shyirahamwe ryamenyesheje ko aya mahugurwa azakorwa tariki 5-9 Kamena 2023 [igice cya mbere], igice cya kabiri kikazakorwa tariki 12-16 Kamena 2023.
Abifuza kwiyandikisha, bagomba kuba babikoze bitarenze tariki 30 Gicurasi 2023. Ubusabe bugomba gucishwa ku Munyamabanga Mukuru wa Ferwafa ndetse bukajyana na Licence C CAF.
Amakipe yasabwe kohereza amazina y’abatoza [abagabo/abagore] bazitabira aya mazina, biciye kuri Email ya Ferwafa ya [email protected] cyangwa [email protected].
Iri shyirahamwe rikomeje guhugura abatoza mu ngeri zitandukanye, mu rwego rwo gukomeza kubongerera ubushobozi.
UMUSEKE.RW
